China Three Gorges University (CTGU) er eit universitet med rundt 28 000 studentar. Universitetet ligg i Yichang, en by på omtrent fire millionar i Hubeiprovinsen i det sentrale Kina. Byen ligg i nærleiken av Tre kløfter-dammen, verdas største hydro-elektriske dam, og universitetet har mykje kompetanse på hydroelektrisk energi og relaterte område. Universitetet er organisert under Hubei provinsregjering, og er eit av dei beste provinsstyrte universiteta i Hubeiprovinsen.
Vasskraft-samarbeid
Universitetet i Søraust-Noreg (USN) har hatt eit langvarig samarbeid med institusjonen i vasskraft, og det har vore utvekslingar av studentar begge vegar. Universitetet tilbyr kurs på engelsk til USNs studentar. I 2012/2013 reiste fire studentar fra USN til CTGU for eit heilt år på maskiningeniørstudiet. Norske studentar har også tidlegare delteke på sommarkurs i Yichang, med stipend fra CTGU. Hausten 2018 vil ein student fra CTGU studere på masterstudiet «Electrical Power Engineering».
Moglegheiter for utveksling
I møtet blei det diskutert korleis ein kan byggje vidare på det eksisterande samarbeidet, og det blei diskutert moglegheiter for utveksling av studentar og fagtilsette, i tillegg til eit utvida forskingssamarbeid. Ei gyldig avtale fanst allereie mellom institusjonane, men på grunn av USNs nye namn og status ønskte partane å fornye avtala. I møtet blei det difor også signert ei ny samarbeidsavtale mellom USN og CTGU.
Er du interessert i å vite meir om utveksling til China Three Gorges University, så besøk nettsidene våre.