Finn studier Videreutdanning Søknad og opptak Studie- og emneplaner Utveksling til utlandet Praksis Vi hjelper deg med studievalget Studiestart Utdanning med lønn Livet som student Bolig og velferd Muligheter under studiene Tilrettelegging og studentstøtte Alumni Studenthistorier Barnehage, skole og høyere utdanning Friluftsliv, idrett og kroppsøving Helse og velferd Humanistiske fag Kunstnerisk utviklingsarbeid Maritim virksomhet Natur, helse og miljø Naturvitenskap Synsvitenskap Teknologi Tradisjonskunst og praktisk- estetiske fag Økonomi, ledelse og regulering Oppdragsforskning Våre ph.d.-utdanninger Ph.d.-handbok Stipendiatsiden Disputaser Doktorkreering Industriforskerskolen i komplekse systemer Nærings- og offentlig-ph.d. Demokrati, samfunnsorganisering og styring Energi, klima og miljø Fremtidens helse og velferdstjenester Oppvekst, tilhørighet og livsmestring Regional verdiskapning Lørdagsuniversitetet Forskingsdagane Forskningsforedrag på bestilling Prosjekter finansiert av Forskningsrådet Fremragende sentre EU-finansierte forsknings- og innovasjonsprosjekter Andre prosjekter Internasjonale utdanningsprosjekter Ekspertliste Publisert forskning Forskningsnytt Organisasjonskart Leiinga Styret Råd, utval og ombod Fakultet Strategi og visjon Rapportar og dokument Biblioteket Brukerveiledninger Si ifra Regelverk Beredskap og krisehandsaming Campusene Jobbe hos USN? Globalt Engasjement USN Hjelp Ansatte Toppledelse Ekspertliste Samarbeid med oss Campusene

Mine studier

  • Beklager, her gikk noe galt. Vi har problemer med favorittmarkeringer for øyeblikket.
en (English (GB))

Eit løft for campus Rauland

Illustrasjon av nye campus Rauland tegnet av Sør Arkitekter
Slik blir nye campus Rauland. Illustrasjon: Sør Arkitekter

Ny tekstilsal, verkstader og utstillingsrom – det er mykje å gle seg til for studentar og tilsette på campus Rauland.

– Dei siste tre åra har det gått med mange timars planlegging av korleis bygget skal sjå ut. Sidan bygget stod ferdig har det blitt strengare krav både til universell utforming og HMS. Nå gler vi oss til nye, funksjonelle lokale som kan auke tryggleiken og heve kvaliteten på studia, seier instituttleiar Stian Roland.

Universitetet i Søraust-Noreg har underteikna ny leigeavtale med Raulandsakademiet, som eig bygningane. Nå blir det mellom anna ny hovudinngang og felles resepsjon med Raulandsakademiet, nye kontor, ny tekstilsal, rom som er lagde til rette for utstillingar og fleire fleksible verkstadrom som kan brukast av studentar som jobbar med både tre og metall.

I tillegg til utbygginga har Vinje kommune gjeve pengar til gatelys ned mot campus, som bidreg til å løfte fram og synleggjera studiestaden i bygda og gjera vegen tryggare.

– Det er svært positivt at vi har ein vertskommune som vi kan spela så godt på lag med, seier Roland.

Tidlegare start enn venta

Første arbeidsdagen etter påske byrjar A til Å Entreprenør AS å gjera klart for byggestart i Rauland. At campusen er tom på grunn av koronakrisa, gjer at bygginga kan gå raskare.

– Nå som bygningen er tom, ser vi at vi kan starte opp med innvendige bygningsarbeid som elles ville ha påverka folk. Vi har også tilgjengeleg mannskap som har fått stopp på andre prosjekt, seier Geir Olav Lurås, dagleg leiar i A til Å Entreprenør AS.

Etter planen skal dei nye lokala vera ferdige i januar 2021. Lurås anslår at mellom 800 og 900 kvadratmeter på campus får endringar som følgje av ombygginga.

– Det blir eit skikkeleg løft for Rauland, seier han.

Nye studentbustader

Før påske kom også nyheita om at Kunnskapsdepartementet løyver pengar til 2000 nye studentbustader over heile landet, mellom anna i Rauland, Porsgrunn og Ringerike. For campus Rauland inneber dette 20 nye studentbustader, som er tenkt plasserte tett på skulen for å skape ein kompakt campus.

– Vi har sett ein auke i søkjartal dei siste åra, og treng dermed fleire studentbustader. Dette er svært gledeleg, seier Roland.