Satsar på fulle dansegolv 

Ung mann speler fele på ei scene emdan folk dansar på golvet foran han. Foto
DANSEFEST: Festivalleiinga på Rauland satsar på fullt frislepp av smittevernåtgjerd, men lover uansett gode høve for å få svinga seg på årets vinterfestival. Bilete er frå Rauland internasjonale vinterfestival i 2018. (Foto: Knut Utler Foto) Kopirett: Knut Utler Foto
DANSEKLAR: Stian Roland er leiar for institutt for tradisjonskunst og folkemusikk ved USN. Av bakgrunn er han tradisjonsutøvar innan norsk folkesang og folkedans, og har brei erfaring frå festivalbransjen, museumsfeltet, kulturskole og forsking.
VINTERFESTIVAL: Publikum kan ta del i eit rikt utval av kulturopplevingar på Rauland. (Foto: USN)
VINTERFESTIVAL: Publikum kan ta del i eit rikt utval av kulturopplevingar på Rauland. (Foto: USN)
VINTERFESTIVAL: Publikum kan ta del i eit rikt utval av kulturopplevingar på Rauland. (Foto: USN)
VINTERFESTIVAL: Publikum kan ta del i eit rikt utval av kulturopplevingar på Rauland. (Foto: USN)
VINTERFESTIVAL: Publikum kan ta del i eit rikt utval av kulturopplevingar på Rauland. (Foto: USN)
VINTERFESTIVAL: Publikum kan ta del i eit rikt utval av kulturopplevingar på Rauland. (Foto: USN)

– Vi er gode på å lage fest på Rauland, og no får vi endeleg høve igjen, seier «festivalsjef» Stian Roland, i forkant av årets vinterfestival.

Laurdag 12. februar oppheva regjeringa nesten alle koronaåtgjerdene.

Alt ligg no til rette for at årets Rauland internasjonale vinterfestival blir ein historisk markør for tilbakevendinga til ei normaltilstand etter nokre lange og tunge koronaår. 

Saman med Folkemusikkscena på Rauland (facebook) og Raulandsakademiet AS har studentar og tilsette ved campus Rauland planlagt den årvisse vinterfestivalen i veke 7 (14. feb.-20. feb). Det kjem ikkje til å skorte på høve til å danse.

– Vinterfestivalen handlar om å skipe ein møteplass, der ein gjennom deltaking og samvære kan få oppleve ulike kulturar sin folkemusikk, -dans og -kunst samt tradisjonshandverk. No treng me slike møteplassar meir enn nokon gong, fortel instituttleiar Stian Roland på campus Rauland, som er sentral i organiseringa av festivalen.

Rike opplevingar

Forutan gode høve for å freiste danseføtene att, byr festivalen óg på ein rekke konsertar og andre rike kulturopplevingar innan folkekunst, tradisjonshandverk og folkemusikk. Det blir óg servert ei brei vifte av kurs, seminar og foredrag, og som alltid skiltar vinterfestivalen med snøgaranti og eksotisk rammeverk på vakre campus Rauland.

– Eg anbefaler deg å ta turen innom, anten du er nysgjerrig på eller oppteken av det tradisjonelle, eller brua frå det tradisjonelle og over i det moderne. På festforestillinga laurdag blir det smakebitar frå ei rekke av festivalens artistar og utøvarar i ein cocktail som eg trur vil falle i smak hjå dei fleste, seier Roland.

Sjømannssong og sjokoladekappleik

Blant trekkplastra dreg han mellom anna fram den svensknorske trioen «Ævestaden», som fekk Folkelarmprisen i 20021 for sitt debutalbum Ingen Mere Gråter. Dei spelar nykomponert og tradisjonell musikk, med gamle og moderne instrumenter.

Ein annan godbit frå programmet er det norske seksmannskoret «Storm Weather Shanty Choir», som leverer rå og energiske tolkingar av 150 år gamle sjømannssongar og har turnert vidt og breitt i Europa, Asia og Amerika.

Elles blir det, av openberre årsaker, eit svakare internasjonalt preg på årets festival enn vanleg, sjølv om det óg kjem langvegsfarande artistar og utøvarar frå mellom anna Frankrike, Estland, Spania og Hellas.

Som vanleg blir det vinterkappleik med bredde og topp, både for små og store. Den tradisjonelle «sjokoladekappleiken» er ein sosial møteplass for lokale born og unge som dansar, og alle deltakarane får sjokolade. Så blir det óg ein kappleik for studentane, kor dei får bryne seg på andre utøvarar på høgt nivå; Vinterkappleiken tiltrekk seg nemleg kvart år nokon av dei fremste innan sine disiplinar.

Vinterfestivalen 2022 

Rauland internasjonale vinterfestival finn stad frå 14.-20. februar.

Det blir mellom anna konsertar, seminar, verkstad, og drivande dansespel. 

I år tilbyr vi mange fysiske arrangement, men óg digitale.

Sjå meir informasjon og fullt program herFanitullen Vinterfestivalen