Finn studier Videreutdanning Søknad og opptak Studie- og emneplaner Utveksling til utlandet Praksis Vi hjelper deg med studievalget Studiestart Utdanning med lønn Livet som student Bolig og velferd Muligheter under studiene Tilrettelegging og studentstøtte Alumni Studenthistorier Barnehage, skole og høyere utdanning Friluftsliv, idrett og kroppsøving Helse og velferd Humanistiske fag Kunstnerisk utviklingsarbeid Maritim virksomhet Natur, helse og miljø Naturvitenskap Synsvitenskap Teknologi Tradisjonskunst og praktisk- estetiske fag Økonomi, ledelse og regulering Oppdragsforskning Våre ph.d.-utdanninger Ph.d.-handbok Stipendiatsiden Disputaser Doktorkreering Industriforskerskolen i komplekse systemer Nærings- og offentlig-ph.d. Demokrati, samfunnsorganisering og styring Energi, klima og miljø Fremtidens helse og velferdstjenester Oppvekst, tilhørighet og livsmestring Regional verdiskapning Lørdagsuniversitetet Forskingsdagane Forskningsforedrag på bestilling Prosjekter finansiert av Forskningsrådet Fremragende sentre EU-finansierte forsknings- og innovasjonsprosjekter Andre prosjekter Internasjonale utdanningsprosjekter Ekspertliste Publisert forskning Forskningsnytt Organisasjonskart Leiinga Styret Råd, utval og ombod Fakultet Strategi og visjon Rapportar og dokument Biblioteket Brukerveiledninger Si ifra Regelverk Beredskap og krisehandsaming Campusene Jobbe hos USN? Globalt Engasjement USN Hjelp Ansatte Toppledelse Ekspertliste Samarbeid med oss Campusene

Mine studier

  • Beklager, her gikk noe galt. Vi har problemer med favorittmarkeringer for øyeblikket.
en (English (GB))

Studietips: Rakel fekk 20 A-ar på vitnemålet

Rakel Lilly Albertsdottir jobba steinhardt og fekk 20 A-ar.
Rakel Lilly Albertsdottir jobba steinhardt og fekk 20 A-ar.

Rakel Lilly Albertsdottir (22) har lagt ned mykje innsats i det imponerande vitnemålet frå studiestad Kongsberg.

USN-studenten Rakel Lilly Albertsdottir kjem opphavleg frå Island og bur nå i Mjøndalen. Studiane i økonomi og leiing har ho teke ved studiestad Kongsberg. At det var økonomi og leiing som skulle bli hennar veg var tilfeldig. Etter å ha gått ut av ungdomsskule og vidaregåande skule med snitt på 5 var ho ikkje interessert i noko friår før ho tok til på høgare utdanning.

– Eg ville ha ei allsidig utdanning og bestemde meg dagen før søknadsfristen gjekk ut. Eit halvt år inn i studiane oppdaga eg kor gøy dette var. Eg fann ut at eg synast dette var moro å halde på med på fritida. Da gjekk det vegen, seier Albertsdottir.

Traff rett studie

– Det er mykje tal og eg synest studiet er veldig verkelegheitsbassert. Eg likar teorien bak tala. Marknaden og bedriftene er også spanande, seier superstudenten.

I sommar skal ho ta seg ein velfortent bilferie i Italia og Kroatia med kjærast, familie og bikkjekvalp. Til hausten ber det av stad til Edinburgh for å ta mastergrad i finans på eitt år.

– Eg håpar på å få ein spanande jobb i området Kongsberg-Oslo, seier den flittige studenten, som har eit mesterleg vitnemål å vise til.

På vitenmålsfesten 12. juni stiller ho i islandsk nasjonaldrakt, som faren har sydd. På papiret står 20 A-ar og tre B-ar. B-ane skulle ho helst sett var A dei også.

– Dei tre bane kjentast ut som stryk, seier Albertsdottir.

Råd til andre studentar 

USN-studenten skildrar seg sjølv som strukturert. Ho jobbar intensivt når ho studerer. Det blir ofte 12 timars-dagar.

– Det er hard jobbing bak kvar eksamen. Pensum kan eg som regel utanåt. Eg er veldig strukturert av meg og byrjar å lese intenst til eksamen fleire månadar i førevegen, forklarar Albertsdottir.

Når 22-åringen ikkje sit over bøkene brukar ho tida si på kvalpen Embla, vener og politikk. Her er Albertsdottir sine råd til studentar som siktar mot toppkarakter:

– Nok søvn. Det blir alltid åtte timar på meg kvart døgn. Møte i alle førelesingar. Vera strukturert og ikkje byrje eksamenslesinga for seint. Ver flink til å spørje medstudentar og førelesarar for å tileigne deg meir kunnskap, oppfordrar Albertsdottir.

Ho avsluttar intervjuet med å framsnakke medstudenten Ida Kasin. Dei to har jobba mykje saman dei tre siste åra og Kasin fekk heile 19 A-ar.