Finn studier Videreutdanning Søknad og opptak Studie- og emneplaner Utveksling til utlandet Praksis Vi hjelper deg med studievalget Studiestart Utdanning med lønn Livet som student Bolig og velferd Muligheter under studiene Tilrettelegging og studentstøtte Alumni Studenthistorier Barnehage, skole og høyere utdanning Friluftsliv, idrett og kroppsøving Helse og velferd Humanistiske fag Kunstnerisk utviklingsarbeid Maritim virksomhet Natur, helse og miljø Naturvitenskap Synsvitenskap Teknologi Tradisjonskunst og praktisk- estetiske fag Økonomi, ledelse og regulering Oppdragsforskning Våre ph.d.-utdanninger Ph.d.-handbok Stipendiatsiden Disputaser Doktorkreering Industriforskerskolen i komplekse systemer Nærings- og offentlig-ph.d. Demokrati, samfunnsorganisering og styring Energi, klima og miljø Fremtidens helse og velferdstjenester Oppvekst, tilhørighet og livsmestring Regional verdiskapning Lørdagsuniversitetet Forskingsdagane Forskningsforedrag på bestilling Prosjekter finansiert av Forskningsrådet Fremragende sentre EU-finansierte forsknings- og innovasjonsprosjekter Andre prosjekter Internasjonale utdanningsprosjekter Ekspertliste Publisert forskning Forskningsnytt Organisasjonskart Leiinga Styret Råd, utval og ombod Fakultet Strategi og visjon Rapportar og dokument Biblioteket Brukerveiledninger Si ifra Regelverk Beredskap og krisehandsaming Campusene Jobbe hos USN? Globalt Engasjement USN Hjelp Ansatte Toppledelse Ekspertliste Samarbeid med oss Campusene

Mine studier

  • Beklager, her gikk noe galt. Vi har problemer med favorittmarkeringer for øyeblikket.
en (English (GB))

Tok eksamen utandørs

Eksamen i dans.
Eksamen i dans.

Idrettsstudentane i Bø kjem seg ut av komfortsona ved ein av eksamenane – nemleg eksamen i dans.

Torsdag var rundt 80 studentar frå 1. år i bachelor i idrettsvitenskap og årsstudium idrett i full dans på studiestad Bø. Det er blitt ein årleg tradisjon at studentane går opp i danseeksamen.

- Studentane får gått litt utanfor komfortsona. Dei drar parallellar mellom idrett og dans, seier dansepedagog Lene Walseth, som dei siste vekene har rettleia studentane mot eksamensoppgåva.

Labans rørsleteori

Studentane har mellom anna jobba med hip hop. I tillegg til Labans rørsleteori, som går ut på bruk av rom, dynamikk og nivå.

- Nytt av året er at alle studentane utfører eksamen utandørs. Dei får bruke Labans rørsleteori i omgjevnadane ute. I tillegg er dette ei vandrande framsyning, seier Walseth.

Ho skryt av dansenivået til USN-studentane. Heile dagen kunne alle som ville følgje dei ulike dansegruppene i området på og rundt studiestad Bø. Idrettsstudentane bruka mellom anna ein gamal låve, universitetetets amfi og den nærliggande parken Evjudalen til å lage ei flott ramme rundt dei kreative dansenumera.

Ulike kreative tema

Denne dansegruppa valde gardsdrift som tema

Ved låven hadde ei gruppe valt temaet «Gardsdrift frå 1800-talet og fram til i dag». Rekvisittar som øks, spade, fiskestång, vaskebøtte og klut blei brukt som rekvisittar.

- Mannfolka var ute i skogen og jobba medan kvinnfolka var heime med husstell, seier studenten Marianne Finnerud Lie.

Dei hadde også med eit dramatisk innslag frå andre verdskrig i framsyninga si,

- Etter krigen blei jordbruket mekanisert, så me har også med nokre Felleskjøpet-effektar, seier studenten Nils Martinsen.

Mange barnehagebarn hadde teke turen for å få med seg dei artige innslaga på den solrike dagen. Dei sat med store augo og følgde med på dei spreke og kreative studentane.

Morosam eksamenstid

Kjensler stod i fokus da denne gruppa gjekk opp i danseeksamen.

Ei anna dansegruppe hadde teke for seg kjensler som tema. Dei hadde minst like imponerande fantasi og dansetrinn som «gardbrukarane».

- Me skildrar ulike kjensler gjennom dansen. Det har vore nokre morosame veker opp mot eksamen, seier studenten Stine Stegarud.

Det var mykje variert musikk dei tolv dansegruppene hadde valt til framsyningane sine. Gruppa «Dancing Time Travellers» hadde mellom anna «Eye of the tiger» med Survivor og «Mambo No 5» med Lou Bega.

Sensorar i oppgåva var Ida Frømyr Borgen og Lene Walseth. Studentane fekk ikkje karakter i denne eksamenen, men bestått eller ikkje bestått.