Universitetsalliansen vår, European Digital Univercity (EDUC), var representert på Academic Cooperation Association (ACA) sin konferanse om digitalisering i 
internasjonal høgare utdanning: Forward Looking Perspectives, som fann stad i Praha (Tsjekkia) mars 2023.
Mønsterpraksis
Erin Anna Smith frå alliansepartnar Masaryk Universitet presenterte ei rekkje mønsterdøme på både virtuelle utvekslingsprogram og blanda mobilitet som vart organisert i pilotfasen av EDUC (2019-2022).
Smith gav til dømes deltakarane råd om kva som bør vurderast ved oppstart av eit virtuelt utvekslingsprogram eller blanda mobilitetskurs. Ho løfta òg fram viktige faktorar for internasjonalisering som må vurderast, og lærdommar frå arrangørar, lærarar og studentar.
Gode døme
Arrangementet vart besøkt av over hundre fagpersonar frå heile verda.
– Vi gratulerer Academic Cooperation Association og Czech National Agency for International Education med eit vellykka arrangement og høva det gav til å dele erfaringane våre frå EDUC, seier prosjektleiar for EDUC på USN, Heidi T. Knutsen.