USN-studentar vann Padova Model UPR

Paolo de Stefani, Cherine Randi Sellami og Malak Ben Achou. Foto
PRISOVERREKKING: (frå venstre) Paolo de Stefani, leiar for Institutt for statsvitskap, jus og internasjonale studiar ved Universitetet i Padova, delte ut diplom for «beste INGO» til USN-studentane Cherine Randi Sellami og Malak Ben Achour. Foto: Runze Wang.

Studentar på masterprogrammet vårt i menneskerettar og flerkulturalitet gjorde det sylskarpt under den årlege simuleringa av FNs menneskerettsråds landshøyringar.

Kvart femte år blir alle FN-land og deira oppfølging av menneskerettane debattert i FNs menneskerettsråd (HRC). Som ein del av dette gjennomfører HRC politiske landshøyringar, såkalla Universal periodic reviews (UPR), som inneber å vurdere menneskerettsregisteret i landa og adressere menneskerettsbrot. Førre gong Noreg vart granska i UPR var i 2019.

Padova Model UPR er ei årleg akademisk simulering av desse FN-landshøyringane, og det heile går føre seg på Universitetet i Padova i Italia.

Marianthi Antoniou, Patrick Smith, Emily Jayne Benson-Kallman, Cherine Randi Sellami, Runze Wang og Malak Ben Achour. FotoRollespel

For å bli nominerte må studentane gjennom ein omfattande søknadsprosess. Dei som blir valde ut får tildelt ein stat, ein ikkje-statleg internasjonal organisasjon (INGO) eller ein nasjonal institusjon for menneskerettar (NHRI) som dei skal representere.

På denne måten får deltakarane ei grundig forståing av mekanismane og dynamikken i UPR-prosedyren. 

Under simuleringa blir deltakarane tildelte ulike roller, mellom anna å tene som representantar for statar som er under gransking, vurderande statar og for sivilsamfunnsorganisasjonar. 

Tre prisar til USN-studentar

Over 18 lag frå heile verda deltok i årets Padova Model UPR, som gjekk føre seg 22. til 25. november.

Seks førsteårsstudentar frå USNs mastergradsprogram i menneskerettar og fleirkulturalitet tok del i simuleringa og vann til saman tre prisar.

Dei to gjevaste prisane gjekk til Cherine Randi Sellami og Malak bein Achour, som representerte INGO-en «International World Group for Indigenous Affairs (IWGIA)» og for dét vann kvar sin pris for «the Best INGO Delegation Award». 

Medstudentane deira, Marianthi Antoniou og Patrick Smith, deltok i rollane som representantar fra INGO-en «Global Initiative to End All Corporal Punishment of Children», og vart stemt fram av dei andre deltakerane, slik at dei vann prisen for «Best Performing Team according to the Participants». 

I tillegg deltok medstudentane Emily Jayne Benson-Kallman og Runze Wang, og dei fungerte som delegasjon for den nasjonale menneskerettighetsinstitusjonen i Frankrike. 
Marianthi Antoniou og Patrick Smith. Foto
– Profesjonelt

– Arbeidet med Padova-modellen gav oss eit unikt høve til å lære om menneskerettar, demokrati og diplomati på ein interaktiv og engasjerande måte, fortel Cherine.

Under simuleringa gjekk studentane gjennom og analyserte menneskerettsprestasjonane til dei utvalde statane, dei deltok i den interaktive debatten og var med og vedtok dei endelege listene over aksepterte og noterte tilrådingar.

Studentane fekk profesjonell rettleiing frå professorar ved Universitetet i Padova og Padovas menneskerettssenter undervegs. 

– Mellom anna fekk vi hjelp og støtte gjennom heile arrangementet, inkludert i arbeidet vårt med innlevering av rapportar, lobbying, internasjonale relasjonar og andre diplomatiske oppgåver, fortel Cherine, som tilrår fleire USN-studentar å melde seg til neste års konkurranse.

Piyumani Ranasinghe og Kalpani Dambagolla

USN-arar i sekretariatet

Dette er ikke første gang studenter fra USN leverer på framifrå vis under Padova Model UPR. 

Piyumani Ranasinghe og Kalpani Dambagolla, som begge er andreårsstudentar på masterstudiet i menneskerettar og fleirkulturalitet, deltok i fjorårets konkurranse, der dei hamna blant dei øvste rangeringane i INGO-kategorien.

Dei vart berømma for innsatsen gjennom å få plass i Padova Model UPR-sekretariet og bidro slik sett til å organisere heile hendinga, saman med eit internasjonalt lag av studentar og tidlegare FN-delegatar.

Ved sidan av dette, fungerte Piyumani og Kalpani óg som trenarar for delegasjonene som representerte internasjonale ikkje-statlege organisasjonar.

Kåringa av vinnarar vart gjennomført av UPR-sekretariatet, som bestod av:

  • Paolo de Stefani (Head Orgeanizer SPGI Department)
  • Marco Mascia (Human Right Center DIrector)
  • Gianni Magazzeni (UPR Branch Cheif, OHCHR)

Deltakerne i Padova Model UPR 2022. Foto

Padova Model UPR 2022

  • ei årleg akademisk simulering av FN-landshøyringane
  • går føre seg på Universitetet i Padova i Italia
  • blir organisert av eit internasjonalt lag av studentar og tidlegare FN-delegatar, med koordinering av professorar frå Human Rights Center Antonio Papisca og MA Degree Program in Human Rights and Multi-level Governance (HRG)

Meir info her (unipd-cetrodirittiumani.it)

Vinnarar frå USN:

«Best INGO Delegation Award»:

  • Cherine Randi Sellami, førsteårsstudent på master i menneskerettar og fleirkulturalitet (USN)
  • Malak bein Achour, førsteårsstudent på master i menneskerettar og fleirkulturalitet (USN)

«Best Performing Team according to the Participants»

  • Marianthi Antoniou og Patrick Smith, førsteårsstudentar på master i menneskerettar og fleirkulturalitet (USN)

Kåringa av vinnarar vart gjennomført av UPR-sekretariatet, som bestod av:

  • Paolo de Stefani (Head Orgeanizer SPGI Department)
  • Marco Mascia (Human Right Center Director)
  • Gianni Magazzeni (UPR Branch Cheif, OHCHR)