Vi skal:
- Vidareutvikle og etablere nye utdanningsprogram og etter- og vidareutdanningar som møter og styrkjer kompetansebehovet til kulturmiljøa innan følgjande område:
- Drive forsking, kunstnarisk utviklingsarbeid og utdanning innan tradisjonskunst og praktisk-estetiske fag
- Drive forsking og utdanning innan humanistiske fag
- Drive forsking og utdanning innan økonomi og leiing, under dette reisemålsutvikling og event
- Drive forsking innan digitalisering og teknologi
- Initiere forsking, utviklingsarbeid og kunstnarisk utviklingsarbeid gjennom å leggje til rette for internt samarbeid på tvers av fagmiljøa og eksternt med regionale og nasjonale aktørar.
- Vidareutvikle fagområda i dialog med dei internasjonale samarbeidspartnarane våre innanfor YERUN og EDUC.
- Styrke samarbeidet med regionale aktørar og søkje partnarskap i regionale, nasjonale og internasjonale prosjekt.
Satsingsområde
Utviklingsprosjektet har tre prioriterte satsingsområde:
Campus Rauland
USN Kultur skal leggje til rette for fagutvikling på Campus Rauland innanfor regionen og på tvers av relevante fagområde i tett dialog med kulturfeltet regionalt og nasjonalt.
Rjukan-Notodden industriarv
Vidareutvikle den regionale og nasjonale posisjonen til universitetet som kunnskaps- og kompetanseaktør innanfor museumssektoren generelt og innanfor verdsarven Rjukan-Notodden industriarv spesielt. Dette prioriterte satsingsområdet skal sjåast i samanheng med vidare utvikling av Campus Notodden.
Kulturbasert næringsliv
Bidra til å styrkje kulturbasert næringsliv i regionen. USN Kultur skal ha søkjelys på kultur som næring gjennom å leggje til rette for entreprenørskap, event og destinasjonsutvikling.
Utviklingsprosjektet USN Kultur vart oppretta i 2021 og varer ut 2025.
