Folkedans 1: Tradisjonskunnskap folkedans, basis

Dette lærer du i tradisjonskunnskap folkedans, basis

Emnet er praktis-teoretisk der de får ei overordna innføring i hovudgruppene av norsk folkeleg dansetradisjon. I haustsemesteret vert bygdedansen og runddansen mest vektlagt.  De vil få ei brei innføring i ulike tradisjonsområde, både innan dansetradisjonen- og den tilhøyrande musikktradisjonene, samt relevant terminologi og omgrepsapparat knytt tid desse. 

Historie og tradisjon, teori og analyse er dei to fagområda i emnet der den norske folkelege samværsdansen frå bygdedans, via runddans til 1900-talsdans vert sett på med eit historisk og samfunnskritisk blikk.

Emnet er eit samingsbasert haustemne som høyrer tett saman med våremnet FD1T2´Tradisjon, bevegelse og musikkanalyse’.

Desse to folkedansemna (haust og vår) er anbefalte forkunnskapskrav for fordjupinga folkedans i emnet folkemusikk og folkedansmetodikk. Emna er i samarbeid med Norsk senter for folkemusikk og folkedans og deira rikhaldinge dansearkiv.

Emnet eignar seg for deltidsstudium for de som ønskjer ei ekstra fordjuping i folkedans anten de er studentar, folkemusikkstudentar, jobbar i skulesektoren, kulturskule, DKS, i kulturforvaltinga, museum eller arkiv, eller berre ønskjer å fordjupa dykk i folkedans som hobby eller i det frivillige organisasjonsarbeidet.  

Samlingar

Dei tre samlingane over 5 arbeidsdagar hausten 2026 vert publiserte januar 2026.

Studiet foregår på USN Rauland der Raulandsakademiet er godt lagt til rette for samlingsbaserte studieprogram. De kan bestille overnatting med eller utan mat (be om studentpris) i same bygg som undervisninga ved å kontakt med post@raulandsakademiet.no / 35 07 32 92. Det skal kunne gå an å lage seg enkel mat sjølve. I nabobygga har ein også blant anna studenthuset Stubben og studentpubben Gardsjordstoga der det er spel og dans kvar onsdag.