Finn studier Videreutdanning Søknad og opptak Studie- og emneplaner Utveksling til utlandet Praksis Vi hjelper deg med studievalget Studiestart Utdanning med lønn Livet som student Bolig og velferd Muligheter under studiene Tilrettelegging og studentstøtte Alumni Studenthistorier Barnehage, skole og høyere utdanning Friluftsliv, idrett og kroppsøving Helse og velferd Humanistiske fag Kunstnerisk utviklingsarbeid Maritim virksomhet Natur, helse og miljø Naturvitenskap Synsvitenskap Teknologi Tradisjonskunst og praktisk- estetiske fag Økonomi, ledelse og regulering Oppdragsforskning Våre ph.d.-utdanninger Ph.d.-handbok Stipendiatsiden Disputaser Doktorkreering Industriforskerskolen i komplekse systemer Nærings- og offentlig-ph.d. Demokrati, samfunnsorganisering og styring Energi, klima og miljø Fremtidens helse og velferdstjenester Oppvekst, tilhørighet og livsmestring Regional verdiskapning Lørdagsuniversitetet Forskingsdagane Forskningsforedrag på bestilling Prosjekter finansiert av Forskningsrådet Fremragende sentre EU-finansierte forsknings- og innovasjonsprosjekter Andre prosjekter Internasjonale utdanningsprosjekter Ekspertliste Publisert forskning Forskningsnytt Organisasjonskart Leiinga Styret Råd, utval og ombod Fakultet Strategi og visjon Rapportar og dokument Biblioteket Brukerveiledninger Si ifra Regelverk Beredskap og krisehandsaming Campusene Jobbe hos USN? Globalt Engasjement USN Hjelp Ansatte Toppledelse Ekspertliste Samarbeid med oss Campusene

Mine studier

  • Beklager, her gikk noe galt. Vi har problemer med favorittmarkeringer for øyeblikket.
en (English (GB))

EDUC-forskingstipend styrkjer vindenergiforsking på USN

En kvinne og en mann poserer foran en USN-logo
FORSKNINGSSTIPEND: Masterstudent Rama Al-Zeer fra PTE sammen med førsteamanuensis Hadi Amlashi fra USN.

Frå Pécs til Porsgrunn: Ungarske Rama Al-Zeer er på forskingsopphald på USN. Arbeidet hennar er retta mot robust utforming av vindturbinblad under reelle og usikre vindforhold.

Gjennom ordninga EDUC Research Internship er masterstudent Rama Al-Zeer frå EDUC-partnar Universitetet i Pécs (PTE) i Ungarn i gang med eit månedslangt EDUC-forskingstipend på Institutt for prosess-, energi- og miljøteknologi på USN. Etter dette, fortset ho det hybride praksisopphaldet i fire måneder frå Pécs.

Under opphaldet på USN campus Porsgrunn er Al-Zeer knytt til Renewable Energy and Advanced Construction Technologies Laboratory (REACT-Lab), som er ein del av USNs forskingsgruppe i energi- og miljøteknologi (URGENT).

Her arbeider ho tett saman med førsteamanuensis Hadi Amlashi for å vidareutvikle masteroppgåva si, som handlar om robust optimalisering av geometrien til vindturbinblad.

Tek omsyn til reell usikkerheit

– Tradisjonell ingeniørvitskap tek ofte utgangspunkt i best mogleg-scenario. I røynda varierer vindhastigheitene heile tida. Dersom vi ikkje tek omsyn til denne usikkerheita, kan løysingane fungere dårlegare enn forventa, seier førsteamanuensis Hadi Amlashi.

Prosjektet til Al-Zeer har tittelen Simplified Robust Optimization of Horizontal Axis Wind Turbine Blade Geometry Under Environmental Uncertainty Using Open-Source Tools, og tek direkte opp ei utfordring som er relevant for industrien.

– I praksis betyr dette å utvikle vindturbinblad som ikkje berre er effektive, men òg økonomisk berekraftige under dei skiftande forholda ein møter i den verkelege verda, forklarar Al-Zeer.

Ved hjelp av eit rammeverk basert på programmeringsspråket Python (snl.no) og open kjeldekode, utviklar ho ein modell som reduserer variasjon i Levelized Cost of Energy.

Levelized Cost of Energy (LCOE)

Levelized Cost of Energy (LCOE) er ein økonomisk målemetode som viser gjennomsnittskostnaden for å produsere energi gjennom levetida til eit anlegg eller energisystem, fordelt på all energi som blir produsert i denne perioden. Det inkluderer alle relevante kostnader som investering, drift og vedlikehald, og gir ein standardisert måte å samanlikne ulike energiteknologiar på ein lik basis

Gjer det mogleg å teste nye idear

Forsking­sopphaldet kjem som eit resultat av sterkt samarbeidet mellom USN og EDUC. Amlashi peikar på at internasjonal mobilitet bidreg positivt til det faglege miljøet ved REACT-Lab.

– Arbeidet til Rama passar svært godt inn i oppdraget vårt. Vi arbeider med berekraftig vidareutvikling av designmetodar for å bidra til avkarbonisering. Gjennom data­drivne og fysikk­informer­te modellar ønskjer vi å betre analysane våre. Det å ha ein dedikert forskar som arbeider spesifikt med robustheit i bladgeometri, gjer det mogleg å teste nye idear som på sikt kan kome industrien til gode, seier Amlashi.

EDUC Research Internship-ordninga legg til rette for at studentar og forskarar kan flytte mellom partnaruniversiteta og slik styrkje samarbeid og kunnskapsutveksling i Europa.

Al-Zeer er ved USN i perioden 6. januar til 5. februar 2026, og er i denne perioden knytt til Institutt for prosess-, energi- og miljøteknologi på campus Porsgrunn.

EDUC Research Internship

Praksisopphald i ei forskergruppe eller eit forskingslaboratorium ved eit av EDUC-universiteta. For masterstudentar og ph.d.-stipendiatar. Varigheit på 2-6 månedar.

Eit forsknngsinternship på eit EDUC-universitet gjev ein smakebit på korleis det er å vere forskar, og er ein gyllen moglegheit til å byggje akademisk nettverk, samle data til masteroppgåva og til å bli kjent med nye perspektiv på faget ditt.

Ta internship i Europa med EDUC - Universitetet i Sørøst-Norge

Fagmiljø på USN som vil ta imot internasjonale studentar på forskningsinternship, kan melde si interesse her: Ta imot ein studentpraktikant frå EDUC - USN Intranett