EDUCs arbeidspakkar

EDUC & USN. Logo

Bli kjent med dei seks ulike arbeidspakkane EDUC er delt opp i.

Arbeidspakke 1: Styring, leiing og koordinering

Arbeidspakke 1 dreier seg om å definere felles visjon og verdiar, utarbeide felles styringsstrukturar og ei samanslutning («pool») av ressursar på tvers av dei åtte universiteta våre.

1.1: Definere og overvake EDUC-erklæringa om felles verdiar og godt samarbeid 

Leiar: Universitetet i Potsdam

Arbeidsgruppa skal utvikle eit EDUC-sjarter for felles verdiar og samarbeid, og står ansvarleg for dei formelle avtalane rundt konsortiesamarbeidet knytte til juridiske bindingar med vidare.

Arbeidsgruppa skal sørgje for kvalitetssikring, og for at den kontinuerlege utviklinga i prosjektet blir følgd etter planen.

1.2: Transformere institusjonelle strukturar for å implementere, overvake og evaluere EDUC

Leiar: Universitetet Paris-Nanterre

Arbeidsgruppa skal greie ut og utarbeide eit rammeverk for juridisk status for alliansen, og syte for implementering av dette når rammeverket er klart. 

Arbeidsgruppa skal også leggje til rette for tettare samarbeid mellom administrative tenester på tvers av institusjonane gjennom fysiske og digitale møteplassar for administrative einingar som jobbar med det same området.

1.3: Utvikle digitale samarbeidsverktøy for læring og for tilsette og interessentar

Leiar: Universitetet i Potsdam
Med-leiar: USN

Arbeidsgruppa skal fokusere på vidareutvikling av digitale verktøy og plattformer for samarbeid mellom institusjonane. Arbeidsgruppa skal også lage ein digitaliseringsstrategi for «EDUC-campusen», spesielt med omsyn til virtuell mobilitet. 

1.4: EDUC Knowledge Investment Fund 

Leiar: Universitetet i Pécs
Med-leiar: Universitetet i Potsdam

Arbeidsgruppa skal kartleggje eksterne finansieringsmekanismar ved universiteta og utvikle ein EDUC-finansieringsstrategi med langsiktige mål.

Eit sentralt mål er å utvikle eit investeringsfond, med midlar frå pengeinnsamling (fundraising) i samarbeid med eksterne partnarar.

1.5: Sikre IT-tryggleik og personvern 

Leiar: Universitetet i Potsdam
Med-leiar: Universitetet Jaume 1

Arbeidsgruppa har ansvar for gjennomgang av problemstillingar og dataavtalar når det gjeld alle moment rundt IT-tryggleik og personvern, og skal sørgje for at regelverk og lover blir følgde på området.

Arbeidspakke 2: Utdanningsagenda

Arbeidspakke 2 har mange utviklingsområde for samarbeid innan utdanning. 

Sentrale område: 

  • felles samanstilling av ressursar 
  • opne dataløysingar
  • saumlause mobilitetsmoglegheiter for studentar, doktorgradskandidatar og vitskapleg tilsette
  • internasjonalisering av utdanning
  • utvikling av minikvalifikasjonar (micro-credentials) med innovative undervisnings- og læringsformer
2.1: Skape eit berekraftig og digitalt EDUC-campus 

Leiar: Universitetet Jaume 1
Med-leiar: Universitetet i Cagliari

Arbeidsgruppa skal utvikle ein omfattande og digital EDUC-campus, der utdanningstilbod, forskingssamarbeid og felles strukturar kan bli synleggjorde og tilbodne på tvers av alliansen og til omverda.

2.2: Opne EDUC-infrastrukturar og data for utdanning  

Leiar: Universitetet i Potsdam
Med-leiar: Universitetet Jaume 1

Eksisterande infrastrukturar for open forsking og utdanning ved universiteta skal kartleggjast. Det skal identifiserast mønsterpraksis (best practice) på området, og utviklast eit vegkart for felles infrastrukturar og praksis i EDUC.

2.3: Internasjonalisering av pensum 

Leier: Universitetet i Rennes
Med-leiar: Universitetet i Cagliari

Ei omfattande arbeidspakke som har fokus på tiltak for å styrkje internasjonalisering i studieprogramma innanfor følgjande område:

  • utvikling av nettbaserte emne/kurs på tvers av institusjonane, som skal tilbydast for virtuell mobilitet av studentar mellom institusjonane
  • utarbeide eit rammeverk for internasjonalisering av eksisterande studieprogram, og på basis av dette utvikle internasjonaliserte, lokale program på institusjonane
  • utvikle eit rammeverk med målsetjing å utvikle minimum seks felles/dobbelgrader mellom institusjonane innan 2027
2.4: Utvikle innovative undervisningsformer innafor prioriterte fagområde – inkludert minikvalifikasjonar (micro-credentials) og intensivprogram

Leiar: Masaryk Universitet
Med-leiar: USN

Arbeidsgruppa skal utarbeide eit rammeverk for mikrosertifisering i EDUC for å utvikle nye, innovative felles undervisningstilbod som kan tilbydast på tvers av institusjonane. Diplom skal utviklast for formell dokumentasjon av kompetansen som er oppnådd.

2.5: Utvikle EDUC Gateway-program

Leier: Universitetet Paris-Nanterre 
Med-leiar: Universitetet  Pécs

Det skal tilbydast tverrfaglege studietilbod og EDUC GAP-year» som vil bli tilbode alle studentar i EDUC på følgjande område:

  • GAP-year: fysisk mobilitet med tverrfagleg tilbod, 1-2 semester ved partnarinstitusjon
  • GOMP: nettbaserte, tverrfaglege studietilbod som blir tilbode, 1-2 semester undervist virtuelt på tvers av alliansen
  • GOLP: nettbaserte kurs i språk/interkulturell kommunikasjon som blir tilbode og undervist virtuelt til studentar på tvers av alliansen
2.6: Intensivere EDUC Teaching academy

Leiar: Universitetet i Potsdam 
Med-leiar: Universitetet i Pécs 

Arbeidsgruppa held fokus på utvikling av felles tiltak for støtte til undervisarar/forelesarar med spesielt fokus på innovative og digitale undervisningsformer. 

Eksisterande tilbod ved universiteta blir kartlagt, mønsterpraksis blir delt, og det skal utarbeidast felles praksis for støttetenestene på tvers av institusjonane i EDUC.

Arbeidspakke 3: Forsking og innovasjon møter utdanning

Arbeidspakke 3 skal utarbeide ein strategi og ei felles samanslutning av ressursar med fokus på forskingsbasert utdanning. Det skal utviklast innovative undervisningstilbod på tvers av fagdisiplinar, med utgangspunkt i forsking.

3.1: Utvikle den langsiktige strategien for å gradvis knyte FoUI til utdanning 

Leier: Universitetet i Cagliari
Medleiar: Universitetet Rennes 1

Arbeidsgruppa skal utvikle ein langtidsstrategi for arbeidet med å støtte opp under forskingsbasert undervisning i alliansen.

Det skal også utviklast eit felles utfordringsbasert masterprogram med eit eige ph.d.-spor for spesielt framifrå internasjonale studentar, som eit hurtigspor til ein forskarkarriere. 

3.2: Samanlikne og utvikle kunnskapsoverføringssystema til partnarane

Leiar: USN 
Med-leiar: Paris-Nanterre

Samarbeid om økosystem med fokus på industri, bedrifter og innovasjon:

  • kartleggje og benchmarke (samanlikne ut frå gitte kriterium eller standardverdiar) økosystema til universiteta, med spesielt fokus på bedrifter, næringslivssamarbeid med vidare
  • utvikle felles samarbeid på tvers av institusjonane med bakgrunn i felles styrkar og kvalitetar i økosystemarbeidet
3.3: Gjennomføre ein serie med aktivitetar der EDUC FoUI møter utdanning 

Leiar: Universitetet i Rennes
Med-leiar: Universitetet i Cagliari

Arbeidsgruppa skal utvikle og implementere felles tiltak for å fremje forskings-/innovasjonsbasert undervisning:

  • eit felleskurs i blanda format (blended) for bachelorstudentar i «Critical thinking and scientific method», skal kunne bakast inn i ulike studieplanar og inkludere både fysisk og nettbasert undervising
  • tilby mellombels tilsetjing (internship) for masterstudentar, med fysisk mobilitet til partnaruniversiteta.
  • tilby forskarsommarskular for master- og ph.d.-studentar i blanda format.
3.4 Skipe EDUC forskarskolar og postdoktor-nettverk

Leiar: Masaryk Universitet
Med-leiar: Universitetet Rennes 1 

Samarbeide om konkrete tiltak for å auke tverrfagleg kompetanse hos ph.d.-/postdoktor-kandidatar og skipe eit nettverk for unge forskarar gjennom:

  • utvikling av ein database for overførbare dugleikar (transferrable skills) for ph.d.-studentar og postdoktorar
  • utvikling og arrangering av i alt åtte «postdoktor-retreats» – eitt for kvart universitet
  • utvikling av avtalar for felles rettleiing (cotutelle) og kunnskapsbase for rettleiing av doktorgradsstudentar på tvers av alliansen

Arbeidspakke 4:  Samfunnsutvikling/samfunnsengasjement

Arbeidspakke 4 skal styrkje formidlinga av dei europeiske verdiane inkludering, mangfald og likeverd gjennom å samarbeide med samfunnsaktørar/regionar når det gjeld å løyse felles samfunnsutfordringar, integrere undervisning og forsking og finne innovative tilnærmingsformer i samhandling med eksterne aktørar. 

4.1: Definere EDUCs handlingsplan for samfunnsutvikling/samfunnsengasjement

Leiar: USN
Med-leiar: Pécs

Arbeidsgruppa skal kartleggje eksisterande prosjekt og tiltak ved institusjonane, og på basis av dette utarbeide ein handlingsplan som skal implementere felles tiltak for 2024-26 når det gjeld samarbeid med samfunnsaktørar regionalt og internasjonalt med formål om å løyse felles samfunnsutfordringar. 

Arbeidsgruppa fokuserer på inkludering, mangfald og likeverd. 

4.2: Pilotering av EDUC Youth Integration Lab

Leiar: Universitetet i Paris-Nanterre
Med-leiar: Universitetet i Potsdam

Samarbeid om å nå ut til grupper av marginaliserte, unge menneske gjennom: 

  • utvikling og implementering av konkrete tiltak i form av arrangement på campus for å nå ut til ei målgruppe av marginalisert ungdom/unge menneske
  • fokus på inkludering, med utgangspunkt i kjønn, etnisitet, seksuell legning/orientering.  
  • universiteta skal arrangere eit tre-dagars arrangement på eitt eller fleire av sine campus i løpet av 2025-26 for denne målgruppa, med fokus på desse spørsmåla.
4.3: Organisere utfordringsbasert læring i lag for å fremje (sosial) entreprenørskapstankegang 

Leiar: Universitetet i Rennes
Med-leiar: UNICA

Felles samarbeid om entreprenørskaputdanningar gjennom å:

  • analysere og samanlikne eksisterande utdanningsprogram innan entreprenørskap ved dei åtte universiteta
  • utvikle eit rammeverk for ein «internasjonal, entreprenøriell tankesett-modul». 
  • designe og utvikle ein virtuell IEM-modul som kan inngå som ein del av studieprogramma, og som blir rulla ut i 2025
  • utarbeide eit opplegg for «EDUC Talents and Entrepreneurial Skills in Europe»-days, for studentar og fagmiljø, som blir sette i gang i 2024 og blir arrangerte over tre år ved dei ulike universiteta.
4.4: Utvikle EDUCs ordning for mellombels tilsetting av studentar, lokalt og internasjonalt  

Leiar: Universitet Jaume 1
Med-leiar: Universitetet I Pecs

Felles samarbeid om mellombels tilsetting (internship) for bachelor- og masterstudentar gjennom å:

  • kartleggje formelle regelverk og retningslinjer, ekspertise, praksis og behov for internasjonale ordningar for mellombels tilsetting av studentar ved universiteta 
  • utarbeide felles retningslinjer og avtaleverk for mellombels tilsetting av studentar ved EDUC-universiteta. 
  • utvikle ei felles søkjeplattform for deling av informasjon om mellombels tilsetting av studentar
  • utvikle ein nettbasert modul innan tverrgåande kompetansar for tilsettingsattraktivitet (“transversal employability skills”)
  • utvikle felles EDUC ordningar for mellombels tilsetting av studentar, praksis og mentoraktivitet

Arbeidspakke 5: Agenda for utvikling av tilsette

Utvikle felles samanstilling av ressursar for tilsette og innovative lærings- og kompetansehevingsløysingar for vitskaplege og teknisk-administrativt tilsette. Dessutan: Styrking av akademiske karrierar og karriereløp for unge forskarar.

5.1: Greie ut EDUCs politikk for utvikling av tilsette

Leiar: Masaryk Universitet
Med-leiar: Universitet Jaume 1

Arbeidsgruppa skal utvikle ein felles EDUC-politikk for kompetanseheving av tilsette.

5.2: Utvide tilsettopplæringa, inkludert tverrpartnarskapleg mentorordning og tilsetteoverføring

Leiar: USN
Med-leiar: Universitetet i Rennes

Arbeidsgruppa skal samarbeide om åtgjerd for kompetanseheving og mobilitet av administrativt tilsette gjennom:

•    tilbod om nettbaserte kurs i språk og interkulturell kommunikasjon
•    utvikle eit mentorprogram for teknisk-administrativt tilsette
•    utvikle eit utvekslingsprogram for å utveksle teknisk-administrativt tilsette, av kortare og lengre varigheit i form av jobbskygging og tematiske tilsette-veker (staff weeks) for definerte målgrupper

5.3: Utforske og prøve ut felles program for unge forskarar

Leiar: Universitetet i Cagliari
Med-leiar: Universitetet i Paris- Nanterre

  • utvikling av eit felles rammeverk for eit utviklingsprogram for unge forskarar
  • identifisering av forskingsområde og partnarar for tre to-årige stillingar for unge forskarar, som blir sette i verk og implementerte i 2024
  • søknad om midlar frå Marie Skłodowska Curie Actions (MSCA) i 2025-26 til vidare forskingsstipend
5.4: Utforske og skissere ei felles professorstilling i EDUC med open fagleg profil

Leiar: Universitetet i Potsdam
Med-leiar: Universitetet Rennes 1

Arbeidsgruppa skal utvikle eit eige EDUC-professorat på tvers av institusjonane, med ein open fagleg profil gjennom å:

  • utvikle og analysere ulike juridiske og økonomiske bindingar knytt til utvikling av eventuelle rammeverk for professorat på tvers av åtte institusjonar
  • utarbeide eit vegkart for iverksetjing og implementering av EDUC-professorat frå 2026
5.5: Styrke nøkkelkompetansane til forskarar

Leiar: Masaryk Universitet
Med-leiar: Universitetet i Cagliari

Arbeidsgruppa skal utvikle og implementere eit felles program for kompetanseheving (forskingsformidling, karriereutvikling med meir) av forskarar med fokus på

  • digitale dugleiker
  • forskingsformidling
  • karriereutvikling
  • kvinner i akademia

Arbeidspakke 6: Påverknad, formidling og deling

Arbeidspakke 1 dreier seg om å definere felles visjon og verdiar, utarbeide felles styringsstrukturar og ei samanslutning («pool») av ressursar på tvers av dei åtte universiteta våre.

6.1: Utvide EDUCs formidlingsplan og fellesskapsbygging 

Leiar: Universitetet i Pécs
Med-leiar: USN

Arbeidsgruppa skal vidareutvikle og implementere ein plan for formidling av EDUC-aktivitetar og resultat, gjennom ulike kanalar: nettsider, sosiale medium og ulike arrangement knytt til EDUC.

6.2: Bidra til samarbeid mellom EUI-alliansane og deling av resultat

Leiar: Universitetet i Cagliari
Med-leiar: Masaryk Universitet

Arbeidsgruppa skal bidra til samarbeid med andre European Universities Initiative-alliansar (EUI) gjennom deling av resultat, erfaringar og kunnskap på tvers. Samarbeider tett innanfor European Universities Initiative (EUI).

6.3: Gje liv til nettverket av EDUC-vener (interessentar, tidlegare studentar, donatorar og sponsorar)

Leiar: Universitet Jaume 1
Med-leiar: Masaryk Universitet

Kartlegge, utarbeide og implementere ein strategi for samarbeid med det eksterne nettverket til partnaruniversiteta, premissleverandørar, alumni, sponsorar og andre.