Denne hausten skal 25 HSN-forskarar halde foredrag på tre av våre campusbibliotek og på folkebiblioteka i Vestfold, Telemark og Buskerud. Det blir foredrag på folkebiblioteket på Rjukan, Bø, Flesberg, Larvik, Nedre Eiker, Ringerike, Tønsberg og Nøtterøy, Sande, Skien, Øvre Eiker og Ål bibliotek.
Tek kunnskapen ut av hyllene
Det er høgskolebiblioteket ved HSN som har teke initiativ til samarbeid med folkebiblioteka i dei tre fylka.
- Biblioteket i HSN ønskjer å være ein aktiv og offensiv partnar for å bringe forskinga ved HSN ut i lokalmiljøa i dei tre fylka. Folkebiblioteka er mange stader allereie aktive aktørar med arrangement som spreiar kunnskap og refleksjon, seier biblioteksjef ved HSN Frode Bakken.
I tillegg til foredrag på folkebiblioteka inviterer også høgskulebiblioteka ved HSNs studiestader inn til forskningsforedrag på kveldstid - og dagtid gjennom konseptet "Kunnskap til lunsj".
Då biblioteket hadde planleggingsmøte med høgskulebiblioteka og folkebiblioteka før sommaren var også fylkesbiblioteksjef i Buskerud, Trond Minken, til stades. Han hadde dette å seie om initiativet.
- Her tek man eigentleg kunnskap ut av hyllene. Dette burde være lågthengande frukt for dei kommunale biblioteka. Høgskulen er ein viktig ressurs for oss og det er flott at dere er til stades i dei tre fylka, seier fylkesbiblioteksjefen som har vedteke at Buskerud fylkeskommune og Buskerud fylkesbibliotek blir partner i prosjektet og vil i 2017 gå inn med 20.000 kr.
Fullt hus på Larvik bibliotek
I forrige uke var høgskulelektor Øyvind Wistrøm på Larvik bibliotek og heldt foredrag om "Sapiens - ein kort historie om menneske". Foredraget trakk fullt hus og dei 50 publikummarane hadde mykje å spørre Wistrøm om etter foredraget.
- Dette var gøy. Det var også eit samansatt publikum der alle generasjonar var tilstades. Frå studentar til pensjonistar. Og det kom inn veldig mange spørsmål etter foredraget. Biblioteket måtte halde opent til langt utover stengetid og det samla seg folk utanfor biblioteket for å snakke vidare om temaet.
Wistrøm fortel at foredraget om Sapiens er ei populærvitenskapleg framstilling av temaer han brukar i undervisninga. Dette foredraget skal blir heldt i Drammen, Skien, Hønefoss, Sande og Flesberg.
Men fleire forskerar ved HSN skal holde foredrag denne hausten og tematikken dekkjer både "fake news", flått, trening, juletid, fornybar energi, religion, genetikk, historie og mykje meir.
Det kostar ingenting å høyre på.