Kviteseid Kulturskole og Universitetet i Søraust-Noreg inviterer rektorar, lærarar i visuelle kunstfag ved kulturskulane i BTV-regionen (Buskerud, Telemark og Vestfold), relevante museum og interesserte tradisjonshandverkarar og kunstnarar til fagdag på campus Rauland.
Målet med dagen er å diskutere korleis vi saman kan auke tilbodet innan tradisjonshandverk til barn og unge, og å introdusere ulike materialområde og tradisjonshandverk.
Denne dagen blir gjennomført med støtte frå Håndverksløftet i kulturskolen > Norsk kulturskoleråd (kulturskoleradet.no)
Bakgrunn:
USN saman med Kviteseid Kulturskole er gjennom Handverkløftet innvilga midlar for å utvikle eit partnarskap og framtidige kompetansehevingstiltak tilpassa kulturskulen.
Det overordna målet vårt er å skipe partnarskap mellom kulturskulane og USN for å få tilbod innan tradisjonshandverk ut til barn og unge.
Gjennom dette arbeidet vil vi utforske korleis vi kan støtte kvarandre, ved å vurdere moglege kompetansehevingstiltak som kan bidra til å styrkje tilbodet kulturskulen har til barn og unge innanfor tradisjonshandverk.
I tildelinga for året 2024, skal vi gjennomføre til saman fire fellesmøte + denne fagdagen.
Meir om Handverksløftet
Handverksløftet kunngjer midlar gjennom Sparebankstiftelsen og har som mål å fremje statusen for handverksfaga og bevisstgjere folk på verdien av tradisjonshandverk. Meir informasjon: Sparebankstiftelsen | Håndverksløftet
Sparebankstiftelsen gav midlar til Norsk kulturråd som oppretta ordninga Handverksløftet for kulturskulen, som har som formål å stimulere kulturskular til å initiere eller styrke tilbod innan tradisjonshandverksfaga retta mot barn og unge. Meir informasjon: Håndverksløftet i kulturskolen > Norsk kulturskoleråd (kulturskoleradet.no)
Program for dagen:
(med atterhald om endringar)
Mandag 27. mai 2024
09.00-09.30
Velkomstkaffi med snippar
09.30-09.40
velkommen
Eli Taugbøl, rektor på Kulturskulen i Kvitseid kommune
09.40-09.45
om campus Rauland
Stian Roland, leiar for Institutt for tradisjonskunst og folkemusikk (USN)
09.45-10.15
Moglegheiter for museum og kulturskulen
Signe Rui, museumspedagog hjå Vest Telemark Museum (visittelemark.no)
10.15-10.30
Pause
10.30-11.00
Moglegheiter for handverkarar og kulturskulen
Mari Fallet Mosand, rektor for Kulturskolen i Nome og leiar for Krokvokst (krokvokst.no)
11.00-11.30
Moglegheiter for kulturskulane
Ole Thomas Evensen, rektor på Vestby Kulturskole og Eli Taugbøl, rektor på Kvitseid Kulturskule
11.30-12.00
Lønsj
12.00-13.30
Første verkstad
Vel mellom:
- bandveving med Eli Wendelbo (USN)
- skinnsaum med Sidsel Sæterhaug (USN)
- kurvmaking med Mari F. Mosand (Krokvokst)
- smiing med Johannes Barstad (Vest-Telemark Museum)
- samisk tinntrådsarmband med Linda R. Lind (Vest-Telemark Museum)
13.30-15.00
Andre verkstad
Vel mellom dei same som over
15.00-15.15
Pause med kaffi og noko attåt
15.15-16.00
Korleis få tradisjonshandverk inn i kulturskulen og vegen vidare.
Diskusjon og oppsummering med Morten Hagevik, leiar for Kulturskolerådet i Vestfold og Telemark, og Eli Taugbøl, rektor på Kulturskulen i Kvitseid