Politikkutforming: Tilgang på talent

Å sikre arbeidslivsrelevans i doktorgradsprogram (ph.d.) og forskarmobilitet er stadig viktigare prioriteringar i europeisk forskings- og innovasjonspolitikk. Europeiske universitetsalliansar er i ei særleg god stilling til å styrkje koplingane mellom ph.d.-utdanning, arbeidsliv, offentleg sektor og sivilsamfunn.

Difor vil vi utforske korleis europeiske universitetsalliansar kan bidra til sterkare karrieremoglegheiter for ph.d.-kandidatar, betre anerkjenning av ph.d.-kompetanse utanfor akademia og støtte til innovasjonsøkosystem i Europa.

EDUC Policy-Briefing Roundtable nr. 2: Access to Talent

Dato: 24. september 2026
Tid: 10:00–12:00 CEST
Format: Digitalt (lenkje kjem)

Dette nettseminaret byggjer på eksisterande EDUC-initiativ og har som mål å identifisere framtidige tilnærmingar på alliansenivå for karriereutvikling for ph.d.-kandidatar.

Dette arrangementet følgjer opp EDUC Roundtable Policy-Briefing om europeiske universitet og samarbeid med vidaregåande skular (22. januar), som hadde samarbeid mellom europeiske universitetsalliansar og vidaregåande opplæring som tema. Utforsk gjerne ressursane frå dette arrangementet og les politikkanbefalinga som kom ut av arbeidet: Enhancing European University Alliances’ Collaboration with Upper Secondary Schools (.pdf)

Tema

Korleis kan europeiske universitetsalliansar bidra til betre anerkjenning og forståing av ph.d.-kompetanse gjennom samarbeid med arbeidsgivarar, offentlege verksemder og andre interessentar?

Forsking frå European Higher Education Sector Observatory peikar på at utfordringar knytte til ph.d.-arbeidslivsrelevans er strukturelle og systemiske. Varig endring krev langsiktig samarbeid, felles strategiar og institusjonell forankring.

Europeiske universitetsalliansar kan vere ei effektiv ramme for å utvikle felles doktorgradsopplæring, fremje mobilitet på tvers av sektorar, styrkje overførbare ferdigheiter, byggje nettverk med arbeidsgivarar, utvikle felles kompetanserammeverk og styrkje anerkjenninga av ph.d.-kompetanse i Europa.

Diskusjonen vil ta opp:

• Barrierar for å anerkjenne doktorgradskompetanse utanfor akademia
• Rolla alliansane kan spele som bindeledd mellom doktorgradsutdanning og arbeidsmarknad
• Korleis alliansar kan auke synlegheit og tillit til doktorgradstalent
• Bruer mellom utdannings-, forskings- og innovasjonspolitikk
• Moglegheiter for sterkare samarbeid med næringsliv, offentleg sektor og frivillige organisasjonar
• Framtidige alliansebaserte tilnærmingar til karriereutvikling for ph.d.-kandidatar
• Mål

Arrangement har som mål å:

• Gi ei oversikt over ph.d.-arbeidslivsrelevans og utviklingstrekk i arbeidsmarknaden i Europa
• Synleggjere EDUC-initiativ som støttar ph.d.-kandidatar
• Presentere vellukka modellar for samarbeid mellom universitetsalliansar, næringsliv og offentleg sektor
• Identifisere barrierar og moglegheiter for samarbeid på alliansenivå
• Utforske vidare utvikling i EDUC og utover
• Leggje til rette for dialog mellom politikkutformarar, arbeidsgivarar, universitet og ph.d.-kandidatar
• Utvikle tilrådingar for å styrkje det europeiske talentøkosystemet

Målgruppe

Arrangementet er retta mot universitetsleiarar, alliansekoordinatorar frå EDUC og andre europeiske universitetsalliansar, doktorgradsskular, ph.d.-kandidatar og postdoktorar, representantar frå næringslivet, offentlege verksemder, frivillige organisasjonar og sivilsamfunnsorganisasjonar, nasjonale departement og representantar frå Europakommisjonen.

Førebels program

• Velkomst og introduksjon
  Professor Alessandra Carucci, Vice-Rector for International Affairs, University of Cagliari
• Keynote: European perspectives on PhD employability and doctoral careers
  Laura Sager, Director Science Talents & Entrepreneurship, Falling Walls Foundation
• Presentasjonar: Alliance initiatives supporting doctoral career development and work sector collaboration
  • EuroTeQ Engineering University – EuroTech Universities Alliance
  • European Digital UniverCity – EDUC Alliance
• Breakout sessions: Perspectives from alliances and stakeholders
• Interactive policy roundtable discussion
• Key recommendations and future actions
• Closing remarks