EDUC Label er ei sertifisering av kurset eller programmet ditt. Program som er EDUC-sertifiserte får ekstra støtte til promotering innan alliansen, og studentar frå våre sju partneruniversitet kan søkje om stipend for å delta.
EDUC Label er ideelt for sommarskular/vinterskular (intensive kurs som blir undervist over ein kort periode).
Dette er ei flott moglegheit til å vise fram programmet ditt, knyte nye kontaktar innan alliansen og utvide det internasjonale nettverket ditt.
- Driv du ein sommarskule og ønskjer å nå ut til studentane i EDUC-alliansen?
- Om sommarskulen din er eit nytt eller framveksande prosjekt, kan EDUC hjelpe deg med å få fart på programmet ditt!
Opne dørene til eit internasjonalt fellesskap
Ved å bli ein del av EDUC får du tilgang til ein allianse med åtte universitet og eit internasjonalt fellesskap av 200 000 studentar. Å få programmet ditt merka som ein «EDUC sommarskule» koplar deg til eit stort nettverk og gjer det enklare å kommunisere og promotere innanfor vår europeiske allianse.
Auk anerkjenninga til programmet ditt
Ved å merke programmet ditt som ein europeisk sommarskule, løftar du anerkjenninga til eit nytt nivå. EDUC tilbyr støtte og rådgjeving for å hjelpe deg med å vidareutvikle programmet ditt, og sikrar at det gir unike utdanningserfaringar.
Oppfyll internasjonaliseringsmåla dine
EDUC-sertifiserte sommarskular bidrar til å internasjonalisere universitetet ditt og støttar den vidare transformasjonen av høgare utdanning. Sommarskular er ein del av eit breiare utdanningstilbod som styrkar programnivået og internasjonaliserer lokale program – der sommarskulen ditt kan bli ein stor ressurs.
Legg til rette for framtidige mobilitetar og samarbeid
Ein EDUC-sertifisert sommarskule legg grunnlaget for framtidige mobilitetar mellom partnaruniversitet for studentar, tilsette og lærarar, og opnar for nye samarbeid. Gjennom sertifisering bidrar du til å fremje europeiske verdiar og medborgarskap, og gir ei rikare oppleving for alle involverte, samtidig som du styrkar banda mellom universiteta våre.
Få tilgang til finansieringsmoglegheiter*
Sikre moglegheiter for finansiering gjennom EDUC eller få råd om tilskot og stipend frå andre kjelder, slik at du kan identifisere økonomiske ressursar for å styrke programmet ditt.
*EDUC-finansiering til mobilitetsstipend er avgrensa og avhengig av godkjenning.
Ønsker du EDUC Label?
Har du eit kort, intensivt program du ønskjer å opne for alliansen? Vi vil gjerne høyre om det!
Kontakt vårt lokale EDUC-lag på educ@usn.no og legg ved ei skildring av kurset eller programmet ditt.
For å bli sertifisert, må programmet bli godkjent av koordineringsgruppa i EDUC.
Kva program kvalifiserer for EDUC Label?
- Varigheit: 1–2 veker (på campus), men kan inkludere digitale/virtuelle komponentar.
- Studiepoeng: Maksimalt 3 ECTS for éi veke og 5 ECTS for to veker.
- Språk: Undervist på engelsk.
- Opent for: Bachelor-, master- og/eller ph.d.-studentar.
- Relevans: Må vere relevant for minst fem av EDUC-partnaruniversiteta (vurdert av EDUC-koordinasjonsgruppa).
Kva støtte gjev EDUC Label?
- Pedagogisk rettleiing
- Tilgang til EDUCs Moodle-plattform
- Hjelp med marknadsføring og promotering
- Bruk av EDUC Label i all kommunikasjon
- Tilgang til gjesteforelesarar frå EDUC-nettverket
- Tilgang til EDUC Teaching Academy
- Oppføring i EDUCs kurskatalog