Forskingsutvalet skal vere eit strategisk, samordnande og rådgjevande organ når det gjeld USNs forskingsverksemd, utviklingsarbeid og forskarutdanningar.
Forskingsutvalet skal harmonisere og auke kvaliteten på og omfanget av forskingsverksemda, utviklingsarbeidet og forskarutdanningane ved USN. Forskingsutvalet skal sjå til at universitetet har system og ordningar som sikrer at forskinga ved USN skjer i samhøve med anerkjende forkingsetiske normer.
- Utvalet skal bidra til oppfølging av forskingsstrategien og gje råd og innspel til overordna forskingsrelevante problemstillingar og saker (forsking, utviklingsarbeid og innovasjon).
- Utvalet skal gje råd i saker som gjeld rammevilkår for forsking, og bidra til at samarbeid, samordning og heilskapstenking tas vare på.
- Utvalet skal vere pådrivar for saker som kan bidra til at USN når sine mål innan forskings- og innovasjonsarbeid.
- Utvalet skal stimulere til auka aktivitet innan FoU og arbeide for å synleggjere USNs forskings- og innovasjonsarbeid.
- Utvalet skal gje råd om harmonisering av og kvalitetsutvikling i doktorgradsprogramma, mellom anna innanfor rettleiingstilbod, undervisningstilbod og krav til deltakarane i doktorgradsprogramma.
- Utvalet skal gje råd om system og ordningar som sikrar at forskinga ved USN skjer i samhøve med anerkjende forskingsetiske normer.
- Utvalet skal gje årleg rapport til styret om verksemda føregåande år, med anbefalingar til tiltak som bør iverksetjes eller område som bør ha særleg merksemd.
- Utvalet skal gje innspel til kriterium for å fordele KD-stipendiatar.
- Utvalet skal fatte vedtak som omhandla i ph.d.-forskrifta § 2-11 med omsyn til tvungen avslutning av ph.d.-utdanninga ved uærlegdom.
- Utvalet skal sikre at sakene blir godt belyste gjennom å invitere inn dei som er råka av sakene som behandlast og andre aktørar som kan bringa inn ny kunnskap i og nye perspektiv på sakene.
- Godkjende protokollar frå Forskingsutvalet leggast fram på rektors leiarmøte og Forskingsutvalet orienterast i etterkant om korleis leiinga vil følgje opp innspela frå Forskingsutvalet.
Oversikt over medlemmar i Forskingsutvalet.
Biblioteksjef deltek som fast observatør. Andre observatørar kan bli innkalla, med talerett, for å få belyst sakene som blir behandla.
Samansettinga av Forskingsutvalet inkluderer ikkje varamedlemmar. Grunngjevinga for dette er at det strevast etter å gjennomføre møta slik at flest mogleg av medlemma har anledning til å møte.