Institutt for språk og litteratur
Instituttet famnar språka norsk, engelsk og spansk og fagfelta litteratur, kultur, lingvistikk og ikkje minst korleis ein lærer språk og underviser i språk, altså pedagogikk og didaktikk.
Vi har fokus på å utvikle dei utdanningane som er mest interessante, som har den mest innovative forskinga bak seg og som gjev studentane våre dei beste tilhøva på arbeidsmarknaden i framtida.
Våre studium
Instituttet har eigne bachelorprogram innan språk og litteratur. Vi har årsstudium i engelsk, norsk og spansk, samt eit årsstudium i skriving og formidling der du lærer å forfatte, setje om og redigere tekstar. Studia finst på campus og på nett, heiltid og deltid. Desse kan alle inngå som element i bachelorstudia. Vi tilbyr òg eit årsstudium i norsk språk og samfunnskunnskap for utanlandske studentar, og ein masterutdanning i språkdidaktikk med faga engelsk eller norsk.
ISL er òg ein viktig bidragsytar inn i profesjonsutdanningane; grunnskulelærarutdanning, barnehagelærarutdanning og praktisk-pedagogisk utdanning, og vi har omfattande aktivitet innan etter- og vidareutdanning.
Sist, men ikkje minst, har vi forfattarstudiet vårt, der det skapande forfattararbeidet står sentralt, og der du òg får innsikt i litteraturteori og dei praktiske sidene ved yrket.
Forskargrupper
Følgande forskargrupper er tilknytta instituttet:
- Diversity and Citizenship in Education (Dice)
- Fleirspråklegheit, læring og utvikling
- Estetikk: teori, analyse, praksis
- Litteratur og litteraturdidaktikk
- Nettverk for interaksjonsanalyse (NIA)
- Tekst, retorikk og skriving (TRESK)
- Multimodalitet
- Språkleg variasjon og endring
- Litteratur og film
- Tekst i kultur og utdanning
- Undervisning og klasserom
